መንገዲ ባሕታዉያን 20

ጾም ንቁሕ ንኽትከዉን ይሕግዝ፣ ክትጸዉም ከለኻ ዓቕምካ ክኸዉን ይግባእ። ልዕሊ ዓቕምካ ወይ ዉን ትሕቲ ዓቕምካ ኣይትጹም። ከምዚ እንድሕሪ ኣዘዉቲርካ ንቑሕ ትኸዉን። “ዝዀነ ሰብ ከብዱ ጸጊቡ ብዛዕባ ኣምላኻዊ ነገራት ክሓስብ የብሉን” ይብሉ ባሕታዉያን ኣቦታትና። ነቲ ኣዝዩ ጽጉብ ሰብ ዋላ`ቲ ግሁድ ዝዀነ ሚስጢረ ሥላሴ ዉን ይሽፈኖ እዩ። 

ጐይታና ኢየሱስ ክርስቶስ ባዕሉ ነርባዓ መዓልቲ ብምጿምን ንሰይጣን ብምስዓርን፣ ኣብነት ሓዲጉልና ኣሎ። ንሕና`ዶ ካብኡ ንዓቢ ኢና? “እንሆ ድማ መላእኽቲ መጺኦም ኣገልግልዎ” /ማቴ 4፥11/። እዞም መላእኽቲ ንዓኻ ዉን ከገልጉሉኻ ድሉዋት ኣለዉ።

ጾም መግለጺ ፍቕሪን ተወፋይነትን እዩ። ምድራዊ ጽጋብ ብምሕዳግ ሰማያዊ ጸጋ ዝርከበሉ እዩ። መብዛሕቱና ብዛዕባ እኽለ-ማይ ክንሓስብን፣ ኣብ ማእድና እንቕርቦ ዓይነት መግቢ ብምሕሳብ ጥራይ ብዙሕ ግዜ ነጥፍእ ኢና፣ ካብ ከምዚ ዓይነት ባርነት ሓራ ምዉጻእ ንመንፈሳዊ ህይወት ኣገዳሲ እዩ። ስለዚ ዉን ጾም ናብዚ ዓይነት ሓርነትን እተብጽሕ መንገዲ እያ። In addition, several other problems which may arise due to free radicals click this storefront cialis on line in the body.

ኣንጻር ስጋዊ ፍትወትን፣ ነብሰ ፍትወትን ኣብ ዝግበር መንፈሳዊ ገድሊ፣ ጾም እቲ ቀንዲ መሳርሒ እዩ። ጾም ምስ ጸሎት፣ እቲ ዝዓበየ ዉህብቶ እዩ። ኣምላኽ ካብ ዝሃበና ዝዓበየ መሳርሒ ድማ እዘን ክልተ መንገዲ እየን፣ ጾምን ጸሎትን። ነዘን መንገዲ ብግቡእ ዝጥቀመለን ሰብ ዉን ብዙሕ መንፈሳዊ ረብሓ ይረክብ። ኣብ ግዜ ጾም፣ ነቲ ኣብ ደቂ ሰባት ናይ ምጿም ዓቕሚ ዝዓደለ ኣምላኽ ምስጋና ይበዝሕ። 

ኣብ ገድሊ ቅዱሳን ኣቦታት፣ ጾም መዐቐኒ ፍቕሪ እዩ። እቲ ብዙህ ዘፍቅር፣ ብዙሕ ይጸዉም፣ እቲ ብዙሕ ዝጸዉም ዉን ብዙሕ በረኸት ይረክብ። እቲ ብዙሕ ዘፍቅር ብዙሕ ይሕደገሉ እዩ`ሞ ነገሩ፤ እቲ ብዙሕ ዝጸዉም ብዙሕ ይረክብ /ሉቃ 7፥47/።